અરવલ્લીમાં ક્રિકેટ રમી રહેલો ૨૦ વર્ષીય યુવક ઢળી પડ્યો, હાર્ટ એટેકથી મોત થયાનું ખુલ્યું...

ગુજરાતમાં નાની ઉંમરે હાર્ટ એટેકના એક પછી એક કેસો સામે આવી રહ્યા છે ત્‍યારે અરવલ્લી જિલ્લામાંથી વધુ એક દુઃખદ ઘટના સામે આવી છે. અરવલ્લી જિલ્લામાં ક્રિકેટ રમતા રમતા એક ૨૦ વર્ષીય યુવકને હૃદયમાં અચાનક દુખાવો ઉપડ્‍યો અને મેદાનમાં જ બેભાન થઈ ગયો. ત્‍યાં હાજર સાથીઓએ આ યુવકના પરિવારના સભ્‍યોને જાણ કરી અને તેઓ તેને હોસ્‍પિટલ લઈ ગયા, પરંતુ જો કે, હોસ્‍પિટલના ફરજ પરના ડોક્‍ટરે તેને મૃત જાહેર કર્યો હતો. એન્‍જિનિયરિંગનો અભ્‍યાસ કરતા પુત્રના મોતથી પરિવારમાં શોકનો માહોલ છવાયો હતો. તબીબોના જણાવ્‍યા અનુસાર યુવકનું મોત હાર્ટ એટેકથી થયું હતું.

આ પણ વાંચો : ઘરે બેઠા કમાણી કરવી છે ? પરિણીત કે અપરિણીત મહિલા કરી શકે છે આ કામ...

આ પણ વાંચો: લગ્ન અને છુટાછેડા: સાતફેરાના બંધનને તોડતા પહેલા આટલું વિચારજો...

મળતી માહિતી મુજબ, અરવલ્લી જિલ્લાના મોડાસામાં રહેતો પરવ સોની એન્‍જિનિયરિંગનો અભ્‍યાસ કરતો હતો. તે મિત્રો સાથે શહેરના એક મેદાનમાં ક્રિકેટ રમવા ગયો હતો. પરિવારના તમામ સભ્‍યો ઘરમાં હાજર હતા. મેદાનમાં ક્રિકેટ રમતી વખતે પરવને છાતીમાં થોડો દુખાવો થયો અને પછી તે બેભાન થઈ ગયો. મેદાન પર હાજર રહેલા તેના મિત્રોએ પરિવારના સભ્‍યોને જાણ કરી અને પછી પરવને નજીકની હોસ્‍પિટલમાં સારવાર માટે લઈ ગયા, પરંતુ હોસ્‍પિટલ પહોંચતા જ ડોક્‍ટરોએ પરવને મૃત જાહેર કર્યો. યુવાન પુત્રના મોતના સમાચાર મળતા પરિવાર પર દુઃખનો પહાડ તૂટી પડ્‍યો હતો. પુત્રના મોતથી પરિવારમાં શોકનો માહોલ છવાયો છે. ૨૦ વર્ષના યુવકના હાર્ટ એટેકની વાત સાંભળીને બધા ચોંકી ગયા છે.

►નાની ઉંમરે હ્રદય રોગના કેસમાં વધારો 

ગુજરાતમાં યુવાનોમાં અચાનક હૃદયરોગના હુમલાના કિસ્‍સાબાદ હવે યુવા કિશોરો પણ મૃત્‍યુ પામી રહ્યા છે. નવસારીમાં ધોરણ ૧૨ના વિદ્યાર્થિનીના મોત બાદ રાજકોટના ગોંડલમાં એક શાળાની વિદ્યાર્થિનીનું ગુરુપૂર્ણિમાના દિવસે મોત થયું હતું. અગાઉ રાજયના જાણીતા કાર્ડિયોલોજિસ્‍ટ ડો.ગૌરવ ગાંધીનું અચાનક હાર્ટ એટેકથી અવસાન થયું હતું. અત્‍યાર સુધીમાં ગુજરાતના વિવિધ વિસ્‍તારોમાં લગ્નમાં ડાન્‍સ કરતી વખતે, ક્રિકેટ રમતી વખતે, કાર ચલાવતી વખતે કે જીમમાં કસરત કરતી વખતે ઘટનાસ્‍થળે જ મૃત્‍યુના કિસ્‍સાઓ નોંધાયા છે.

(Home Page- gujju news channel)

Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel - ગુજરાત સમાચાર